ayalagch

Өөрийн минь бүтээсэн хүслийн ертөнцөд
Өдөр шөнө хоёр зэрэгцэн оршдог
Өдөр хийгээд шөнөгүй
Өглөө бас оройгүй
Тэнд нар сар хоёр тэврэлдэн
Тэнгэрийг газар болтол янагладаг
Тиймээс газаргүй тэнгэргүй
Хагацал шиг одод усанд унахад
Хатуужлаар өлгийдөн тэнгэс бүүвэйлдэг
Хар цагаан санаа инээлдэн хундага тулгаад
Халамцаад ирснийхээ дараа
Барилцан зодолддог
Хайр сэтгэл үзэн ядалт хоёр
Хагацахын аргагүй амраг бололцсон
Тэнд юу ч үгүй .....................
Тэнгэр газар тэгээд би
Бүгд байхгүй
Тэгсэн хирнээ бүгд бий
Үүнийг л амьдрал гэнэ
Өөлхийн аргагүй бодит хирнээ
Үгүйлхийн аргагүй хоосон ертөнц